FİFA prezidenti Canni İnfantino Arsen Vengerin dünya çempionatlarının hər iki ildən bir keçirilməsi təklifinə biganə qalmayıb.

Sportfm.az xəbər verir ki, İnfantino münasibət bildirib:

"Arsen Venger təkcə uğurlu və parlaq məşqçi deyil, həm də futbolun professorudur. Lakin bunun üçün xüsusi mütəxəssislərimiz də var. Başda bu məqam olmaqla, təqvimi müzakirə edəcək. Çünki qarşıdakı bir neçə ay ərzində qərar qəbul etməliyik".

Qeyd edək ki, Arsen Venger yığma komandalardakı futbolçuların orta yaş həddinin 27-28 olduğu üçün belə bir fikir demişdi. Fransalı mütəxəssis dünya çempionatı 4 ildə bir dəfə keçiriləcəyi təqdirdə, həmin futbolçuların kubok qazanma şanslarını xeyli aşağı olduğunu düşünür.