İngiltərənin "Mançester Yunayted" klubunun futbolçusu Edinson Kavani yeni nailiyyətə imza atıb.

Sportfm.az xəbər verir ki, uruqvaylı hücumçu evdə İtaliya "Roma"sını 6:2 hesabı ilə yendikləri Avropa Liqasının yarımfinal mərhələsinin ilk oyununda 2 qol və 2 məhsuldar ötürmə müəllifi olub.

Beləliklə, Kavani 34 yaş 74 günündə avrokuboklarda 2+2 edə bilən ən yaşlı futbolçuya çevrilib. O, Almaniya "Bavariya"sından Robert Levandovski və İspaniya "Barselona"sından Lionel Messinin rekordunu qırıb. Hər iki oyunçu bunu 31 yaşında edib.

Qeyd edək ki, Edinson Kavani Azərbaycanda "İnter" (hazırkı "Keşlə") və "Neftçi"nin formasını geyinmiş Valter Quqlemonun qardaşıdır.

Oxşar xəbərlər

Kavani "Boka Xuniors"da

Edinson Kavani "Valensiya"da - RƏSMİ

Kavaninin yeni klubu müəyyənləşdi - 2 illik müqavilə

Kavani həftənin oyunçusu seçildi - Avropa Liqası

Paytaxt klubunun tarixinə düşdü