"Türkiyə Futbol Federasiyası və səlahiyyətli nümayəndələr UEFA-nın azarkeşlərlə bağlı istəyini qəbul etdi. Onlar hər zaman bizim etibarlı tərəfdaşımız olub. Türkiyə bir çox UEFA tədbirinə böyük uğurla ev sahibliyi edib".

Sportfm.az xəbər verir ki, bu fikirləri UEFA prezidenti Aleksander Çeferin Çempionlar Liqasının final oyunun Türkiyənin İstanbul şəhərindən alınaraq Portuqaliyaya verilməsinə münasibət bildirərkən deyib.

Sloveniyalı funksioner Britaniya hökumətinin Türkiyəni səyahət üçün "qırmızı siyahı"ya əlavə etdiyini xatırladıb: "Bu qərarın vətandaşları virusun yayılmasından qorumaq üçün qəbul olunduğunu başa düşürük. Yaxın gələcəkdə Çempionlar Liqası finalının və digər tədbirlərin İstanbulda, Türkiyədə olacağına ümid edirəm".

Çeferin istəklərinə müsbət cavab verdikləri üçün Portuqaliya Futbol Federasiyasına və Portuqaliya hökumətinə təşəkkür etdiyini söyləyib.

Qeyd edək ki, UEFA İngiltərənin "Mançester Siti" və "Çelsi" komandaları arasındakı final oyununun Portu şəhərindəki "Draqau" stadionunda olacağını açıqlayıb. Matçın daha əvvəl Atatürk Olimpiya Stadionunda keçirilməsi planlaşdırılıb.

Oxşar xəbərlər

Çeferin yenidən UEFA prezidenti olacaq

Final Türkiyədə olacaq - Çempionlar Liqası

Final matçı Türkiyədən alındı - Şok qərar

UEFA TFF-yə müraciət etdi - "Turnirin yarımfinallarını da keçirmək üçün hazırsınızmı"

Çempionlar Liqasının final oyunlarının keçiriləcəyi şəhərlər açıqlandı - FOTO