Futbol üzrə Avropa çempionatının Bakıda keçiriləcək 4 oyununda məhdud sayda tamaşaçının iştirakına rəsmən icazə verilib.

Sportfm.az xəbər verir ki, bu barədə Nazirlər Kabinetinin qərarında bildirilib.

Daha əvvəl Nazirlər Kabineti yanında Operativ Qərargahın və AVRO-2020-nin yerli təşkilat komitəsinin birgə iclasında UEFA-nın tövsiyələri və Bakı şəhərində pandemiya ilə bağlı mövcud vəziyyət nəzərə alınaraq, Bakıda keçiriləcək 4 oyunun hər birində Bakı Olimpiya Stadionunun ümumi tamaşaçı tutumunun 50 faizi qədər azarkeşin COVID-19-la bağlı müvafiq prosedurların yerinə yetirilməsi şərti ilə iştirak edə biləcəyi barədə qərar qəbul olunub.

Qərar yerli azarkeşlərlə yanaşı, oyunlarda iştirak edən milli komandaların mənsub olduğu ölkələrin vətəndaşlarına da şamil olunacaq (viza və koronavirusla bağlı müvafiq tələblərin yerinə yetirilməsi şərti ilə).

Məsələ ilə bağlı bütün zəruri məlumatlar UEFA-ya təqdim olunub.

Qeyd edək ki, AVRO-2020 bu il iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.

Oxşar xəbərlər

Futbolçu sayı artırıldı - AVRO-2020

Münhen təminat verməkdən imtina etdi - AVRO-2020

AFFA-dan açıqlama - AVRO-2020

İspaniya UEFA-ya təminat vermədi - Azarkeşlərlə bağlı

Azərbaycandan UEFA-ya olumlu cavab - Hər oyuna 50 faiz azarkeş