Milli Paralimpiya Komitəsinin (MPK) pauerliftinqçisi Pərvin Məmmədov Tokio-2020 Yay Paralimpiya Oyunlarına vəsiqə qazanıb.

Sportfm.az xəbər verir ki, 49 kq çəki dərəcəsində çxış edən idmançı bu uğura Birləşmiş Ərəb Əmirliklərinin Dubay şəhərində keçirilən Dünya Kubokunda nail olub.

O, 157 kq nəticə göstərərək yarışı 4-cü yerdə bitirib. Həm Dünya Kubokunda, həm də reytinq xalları qazandıran öncəki yarışlarda yüksək nəticə əldə edən Məmmədov "Tokio-2020"də Azərbaycanı təmsil edəcək.

Qeyd edək ki, bu, Milli Paralimpiya Komitəsinin idmançılarının 19-cu lisenziyası olub. Onlardan 8-i atletika, 4-ü parataekvando, 3-ü üzgüçülük, 2-si güllə atıcılığı və 2-si pauerliftinq növündəndir.

Oxşar xəbərlər

Paralimpiyaçılarımızdan 36-cı lisenziya - Tokio-2020

Paralimpiya komandamızdan rekord sayda lisenziya - Tokio-2020

Paralimpiyaçılarımızdan daha iki lisenziya - Tokio-2020

Daha 5 idmançımız lisenziya qazandı - Tokio-2020

Azərbaycan Paralimpiya Oyunlarına 7-ci lisenziyasını qazandı