Portuqaliyanın Koimbra şəhərində Beynəlxalq Cüdo Federasiyasının hakimlər üçün seminarı keçirilib.
Sportfm.az xəbər verir ki, seminarda ədalət təmsilçiləri beynəlxalq dərəcəli hakim adı almaq üçün imtahan veriblər.
Nəticədə Azərbaycanın ədalət təmsilçisi Akif Tahirov beynəlxaq dərəcəli hakim adına layiq görülüb. Referi seminara Azərbaycan Cüdo Federasiyasının dəstəyi ilə qatılıb.
Namizədlə ilk öncə nəzəri və ingilis dili biliklərinin yoxlanması məqsədi ilə müsahibə keçirilib. Növbəti iki gün ərzində namizəd hakimlər tatami üzərində Avropa Kubokunun görüşlərini idarə edərək praktik imtahan veriblər.
Hakimimiz Koimbrada keçirilən gənclərin Avropa Kubokunun görüşlərini uğurla idarə edib.

Oxşar xəbərlər

Ülvi Əliyev “B” kateqoriyalı hakim oldu

Azərbaycanlı hakim “A” kateqoriyası aldı

Azərbaycan nümayəndəsi ən yüksək hakimlik dərəcəsini qazandı

Azərbaycanlı hakimlər beynəlxalq yarışları idarə etdi

Ədalət təmsilçilərimiz beynəlxalq dərəcəli hakim adına layiq görüldü