Milli Mətbuat Günü ilə əlaqədar Azərbaycan Milli Antidopinq  Agentliyi (AMADA) media nümayəndələri üçün tədbir təşkil edib.

Sportfm.az xəbər verir ki, tədbirdə çıxış edən AMADA-nın direktoru Şəfəq Hüseynli  media nümayəndələrini peşə bayramları münasibəti ilə təbrik edərək bildirib ki, “Əkinçi” qəzetinin ilk nömrəsinin nəşrindən keçən 146 il ərzində Azərbaycan mətbuatı böyük inkişaf yolu keçib. İndi Azərbaycanda öz ənənələri olan peşəkar mətbuat mövcuddur.  44 günlük Vətən müharibəsi zamanı informasiya savaşında  azərbaycanlı jurnalistlərin nümayiş etdirdiyi yüksək peşəkarlıq da bunu göstərir.

Ş. Hüseynli dopinq nəzarətinin həyata keçirilməsində KİV-in roluna da toxunaraq bildirib ki, ədalətli və təmiz idmanın təbliği baxımından  mətbuatın çox geniş imkanları var. Kütləvi informasiya vasitələri ilə sıx əməldaşlıq edən  AMADA bununla bağlı müxtəlif layihələr həyata keçirir. AMADA-nın media ilə münasibətləri şəffaflıq, operativlik və informasiya əlçatanlığına əsaslanır.  Daha sonra Ş. Hüseynli jurnalistlərin suallarını cavablandırıb.

Sonra jurnalistlər üçün əyləncəli -intellektual viktorina keçirilib və qaliblərə GoSport idman mağazaları şəbəkəsi tərəfindən hədiyyə çeki təqdim edilib.

Oxşar xəbərlər

AMADA-nın əməkdaşı WADA-nın vebinarında iştirak etdi

AMADA jurnalistlər üşün Antidopinq maarifləndirici və intelektual yarış keçirdi

AMADA yeni əməkdaşlıq memorandumu imzaladı

"İdmançılarımız Tokioya təmiz yollanıblar” - AMADA-nın rəhbəri

“Virtual kafe” formatında videokonfrans təşkil olundu - İdman mediası üçün