Rusiyanın Ufa şəhərində gənc güləşçilərin dünya çempionatı davam edir.

Sportfm.az xəbər verir ki, altıncı yarış günündə Azərbaycanın daha 4 yunan-Roma güləşçisi mübarizəyə qoşulub.

60 kq çəki dərəcəsində yarışan Nihat Məmmədli Vikas Vikas (Hindistan) və Firuz Mirzərəcəbova (Tacikistan) qalib gələrək yarımfinala yüksəlib. Həsrət Cəfərov (67 kq) Nestori Mannila (Finlandiya), Luka Oçiqava (Gürcüstan) və Muslim İmadayevə (Rusiya) gücünü göstərərək yarımfinala adlayıb.

72 kq-dakı Xasay Həsənli Mixael Portmanı (İsveçrə) məğlub etsə də, Giorgi Çixikvadze (Gürcüstan) ilə bacarmayıb. Murad Əhmədəliyev (82 kq) isə ilk görüşdə Saba Mamaladzeyə (Gürcüstan) uduzub.

Yarımfinal qarşılaşmaları Bakı vaxtı ilə saat 15:45-də start götürəcək.

Oxşar xəbərlər

Gənc güləşçimizdən böyük uğur - Dünya çempionu oldu

İki güləşçimiz yarımfinala yüksəldi - Dünya çempionatı

Yunan-Roma güləşçilərimizin ilk rəqibləri - Dünya çempionatı

Güləşçimiz erməni rəqibini məğlub etdi - Avropa çempionatı

Həsrət Cəfərov üçüncü oldu - Avropa çempionatı