Sentyabrın 12-də tennis üzrə “Böyük dəbilqə” seriyasından ABŞ açıq turnirində (US Open) qadınlar arasında final görüşü keçirilib.
Sportfm.az xəbər verir ki, ümumi mükafat fondu 57,7 milyon dollar olan turnirin həlledici görüşündə İngiltərə tennisçisi Emma Radukanu və kanadalı Leylu Anni Fernandes üz-üzə gəlib. Görüş britaniyalı idmançının qələbəsi ilə başa çatıb - 6:4, 6:3.
18 yaşlı tennisçi karyerasında ilk dəfə “US Open” turnirinin qalibi adını qazanıb.
Bu titulun son qalibi yaponiyalı tennisçi Naomi Osaka olub.
Qeyd edək ki, “US Open” turnirinin kişilər arasında həlledici görüşündə Novak Cokoviç (Serbiya) və Danil Medvedev qarşılaşacaq. Həmin görüş bu gün Bakı vaxtı ilə saat 00:00-da başlayacaq.

Oxşar xəbərlər

61 milyon dollarlıq turnirin qalibi məlum oldu - “Australian Open”

Osaka “US Open” turnirinin qalibi oldu - İkinci dəfə

“Australian Open-2019” turnirinin final oyunu keçiriləcək

Yaponiyalı idmançı “Australian Open-2019” turnirinin qalibi oldu

Cokoviç dörddəbir finala vəsiqə qazandı