Azərbaycanda ilk dəfə voleybol üzrə orta məktəb bədən tərbiyəsi müəllimlərinin  seminarı keçirilir. 

Sportfm.az xəbər verir ki, 30-a yaxın məşqçi və müəllimlərin iştirak etdiyi seminarı  Avropa Voleybol Konfederasiyasının "CEV inkişaf mərkəzi”nin meneceri Vuk Karanoviç və məşqçi instruktor Papa Georgeous keçirir. 

Seminar 30 yanvar tarixində sona çatacaq və seminar rəhbərləri Azərbaycanda "2017 Voleybol Avropa Çempionatının” keçiriləcəyi ən gözəl şəhərlərimizdən biri olan Göygölə yola düşəcək. 

Seminar 4 müxtəlif mərhələlərdən ibaraətdir. Sonuncu mərhələ sentyabr ayında keçiriləcək Avropa Çempionatından öncə olacaq. 

Vuk  Karanoviç və Papa Georgeous seminarla bağlı fikirlərini bildirib. İlk olaraq Azərbaycan Voleybol Federasiyasına təşəkkür edən rəsmilər, voleybolun Azərbaycanda populyar idman növü olduğunu vurğulayıb. Onlar 8-10 yaşlı oğlan və qızlara voleybolu necə sevdirməkdən də danışıb. 

Qeyd edək ki, seminar iştirakçılarına sonda sertifikat təqdim ediləcək.