Azərbaycanın qadın güləşçiləri Serbiyanın paytaxtı Belqradda keçirilən U-23 dünya çempionatında mübarizəyə başlayıb.

Sportfm.az xəbər verir ki, 50 kq çəki dərəcəsində çıxış edən Şəhanə Nəzərova ilk görüşdə ilk Yunq Linə (Çin Taypeyi), Elnurə Məmmədova (55 kq) isə Eda Tekinə (Türkiyə) məğlub olub.

Azərbaycan təmsilçilərinin rəqibləri finala çıxsa, onlar sabah təsəlliverici görüşlərə qatılacaqlar.

Yarışın növbəti günündə isə Tatyana Varansova (53 kq), Jalə Əliyeva (62 kq) və Birgül Soltanova (65 kq) qüvvəsini sınayacaq.

Qeyd edək ki, bu gün iki yunan-Roma güləşçisi müdal görüşlərinə çıxacaq. Həsrət Cəfərov (67 kq) finalda İran təmsilçisi Məhəmməd Cavad Rezayi ilə üz-üzə gələcək. Ülvi Qənizadə (72 kq) isə bürünc medal uğrunda Rezayinin həmyerlisi Amir Abdi ilə güləşəcək.

Oxşar xəbərlər

Azərbaycanın qadın güləşçiləri məğlub oldu - Avropa çempionatı

Azərbaycanın qadın güləşçiləri mübarizəyə başlayır - Dünya çempionatı

Qadın güləşçilərimiz Serbiyaya yollanır - Dünya çempionatı

Qadın güləşçilərimiz Avropa çempionatında məğlub oldular

Qadın güləşçimiz Avropa çempionatında finala yüksəldi