Tovuz şəhər stadionunda yer alan təlim-tədris meydançalarından birinə şəhid futbolçu İlqar Zeynallının adı verilib.

Sportfm.az xəbər verir ki, bununla bağlı bu gün Tovuz şəhər stadionunda tədbir keçirilib. Tədbirdə klub nümayəndələri ilə yanaşı şəhid İlqar Zeynallının atası Ayaz Zeynalov, qardaşı Sənan Zeynalov, şəhid ailələri, qazilər, azarkeşlər də iştirak ediblər. Şəhidlərimizin əziz xatirəsi ehtiramla yad edilib.

Bundan başqa stadion ərazisində şəhidlərimizin xatirəsinə bulaq kompleksinin də açılışı olub. 

Allah bütün şəhidlərimizə rəhmət eləsin!