UEFA Millətlər Liqasında Azərbaycan milli komandası ilə eyni qrupda yer alan Belarus yığmasının ev oyunları neytral ölkədə keçirilə bilər.

Sportfm.az xəbər verir ki, bu, Belarusda vəziyyətin qaydasında olmaması ilə əlaqədardır. UEFA prezidenti Aleksander Çeferin ölkədəki situasiyanın izləməkdə davam edəcəklərini bildirib: "Yaxın vaxtlarda orada turnirlər olmayacaq. Qadın futbolçular arasında 2025-ci il Avropa çempionatının harada olacağına zamanı yetişəndə qərar verəcəyik. İzləyir və bilirik ki, Belarusda vəziyyət yaxşı deyil".

İyunda UEFA öz turnirlərinin Belarusda təşkilindən imtina edib. Bu, Avropa İttifaqının "Ryanair"ə məxsus təyyarəsi ilə bağlı insident üzündən etirazlar fonunda baş verib. Qitə futbol qurumu 2021-ci ildə bu ölkədə heç bir yarışın olmayacağını açıqlayıb. Nəticədə Belarus yığması 2022-ci il dünya çempionatının seçmə mərhələsindəki rəqiblərini Rusiyanın Kazan şəhərində qəbul edib.

Qeyd edək ki, Mİllətlər Liqasında yeni mövsümə 2022-ci il iyunun 2-də start veriləcək. (report)

Oxşar xəbərlər

Belarus – Azərbaycan oyunu Serbiyada keçiriləcək - Millətlər Liqası

Rusiya və Belarus idmançıları beynəlxalq yarışlardan imtina etdi

Belarus – Azərbaycan oyunu neytral ölkədə keçiriləcək - Millətlər Liqası

Belarus - Azərbaycan matçının yeri açıqlandı - Millətlər Liqası

Belarus dünya çempionatından məhrum edildi - Latviyada keçiriləcək