Topaz Premyer Liqanın 17-ci turunda bu gün "Neftçi" ilə qarşılaşacaq "İnter” oyuna ciddi itki ilə çıxacaq.

Sportfm.az xəbər verir ki, komandanın yarımmüdafiəçisi Elnur Abdullayev sarı vərəqə limitini doldurduğundan bugünkü qarşılaşmanı buraxacaq. Bundan başqa, məşq zamanı zədələnən müdafiəçi Zurab Xizanaşvili də "Neftçi” ilə görüşdə iştirak etməyə bilər. Onun oynayıb-oynamayacağı yaxın saatlarda bəlli olacaq.

Qeyd edək ki, bu gün keçiriləcək "İnter” – "Neftçi” oyunu saat 17:30-da başlayacaq.