Fevralın 8-dən 10-dək sərbəst və yunan-Roma güləşi üzrə gənclər (U-20) arasında Azərbaycan çempionatı keçiriləcək.

Sportfm.az xəbər verir ki, milli komandalara seçim xarakteri daşıyan ölkə birinciliyi Bakı İdman Sarayında baş tutacaq.

Azərbaycan Güləş Federasiyasının Gənclər və İdman Nazirliyi ilə birgə təşkil edəcəyi yarış beynəlxalq və milli dərəcəli hakimlər tərəfindən idarə olunacaq.

Çempionatın proqramına əsasən, fevralın 8-də yunan-Roma güləşi üzrə 55, 60, 63, 67, 72, 77 və 82 kq-da qaliblər müəyyənləşəcək. Həmin gün saat 16:00-da yarışın təntənəli açılış mərasimi başlayacaq. Növbəti gün klassik güləşdə 87, 97 və 130, sərbəst güləşdə isə 57, 61, 65 və 70 kq-da medalçıların adına aydınlıq gələcək. Yarışın son günündə isə 74, 79, 86, 92, 97 və 125 kq-da ölkənin ən güclü sərbəst güləşçiləri bəlli olacaq.

Oxşar xəbərlər

Azərbaycan çempionatının başlama vaxtı bilindi

Azərbaycan çempionatının başlama vaxtı məlum oldu - Güləş üzrə

Güləş üzrə Azərbaycan çempionatı keçiriləcək

Yeniyetmə və gənclər arasında Azərbaycan çempionatı keçiriləcək

Gənclər arasında Azərbaycan birinciliyi keçiriləcək