Birləşmiş Ərəb Əmirliklərində təşkil olunan futbol üzrə klublararası dünya çempionatında ilk finalçı bəlli olub.

Sportfm.az xəbər verir ki, ilk yarımfinal görüşündə Misirin “Əl Əhli” və Braziliyanın “Palmeyras” klubları üz-üzə gəlib.

Bu oyunda 2:0 hesablı qələbəyə sevinən Cənubi Amerika təmsilçisi adını finala yazdırıb. Braziliya klubunun heyətində qolları 39-cu dəqiqədə Rafael Veyqa və 49-cu dəqiqədə Dudu vurublar.

“Palmeyras”ın finaldakı rəqibi fevralın 9-da bəlli olacaq. Digər yarımfinal görüşü Səudiyyə Ərəbistanının “Əl Hilal” və İngiltərənin “Çelsi” klubları arasında keçiriləcək.

Eyni gündə həm də 5-ci yer uğrunda oyun keçiriləcək. Bu oyunda yarımfinala vəsiqə qazana bilməyən Meksika “Monterrey”i ilə BƏƏ təmsilçisi “Əl Cəzirə” qarşılaşacaq.

Oxşar xəbərlər

İlk finalçı bilindi - Klublararası dünya çempionatı

Klublararası DÇ-də yarımfinalçılar məlum oldu

Daha bir iştirakçısı bilindi - Klublararası dünya çempionatı

"Liverpul" dünya çempionatının finalında oynayacaq

"Flamenqo" finala çıxdı - Klublararası dünya çempionatında