Bakı İdman Sarayında gənclər arasında cüdo üzrə Azərbaycan birinciliyinə start verilib.

Sportfm.az xəbər verir ki, yarışın ilk günündə 45 klubdan 127 cüdoçu (87 oğlan, 40 qız) qüvvəsini sınayır.

Yarışın birinci günündə qızlar 44 kq, 48 kq, 52 kq, 57 kq, 63 kq, 70 kq, 78 kq, +78 kq çəki dərəcələrində, oğlanlar isə 55 kq və 60 kq çəki dərəcələrində mübarizə aparırlar.

Gənc cüdoçuların respublika birinciliyinə sabah yekun vurulacaq.