Birinci Divizionda mübarizə aparan "Şəmkir"in yeni baş məşqçisinin adı məlum olub. 

Sportfm.az saytına klubun mətbuat xidmətindən verilən məlumata görə, Qəhrəman Əliyevin istefasından sonra boş qalan baş məqşçi postuna gürcüstanlı mütəxəssis dəvət edilib. Şəmkirin eyniadlı klubunu bundan sonra Badri Kvaratsxeliya çalışdıracaq.

Qeyd edək ki, Kvaratsxeliyanın Gürcüstanla yanaşı, Azərbaycan vətəndaşlığı da var. Dördqat Azərbaycan çempionu olan Badri futbolçu kimi ölkəmizdə "Kəpəz"də və məhz "Şəmkir"də oynayıb. Bundan əlavə o, "Standard" və "Qəbələ" klublarında məşqçi kimi də çalışıb.