İtaliyanın paytaxtı Romada güləş üzrə U-20 Avropa çempionatı start götürüb.

Sportfm.az xəbər verir ki, ilk yarış günündə Azərbaycanın 5 yunan-Roma güləşçisi mübarizəyə başlayıb.

Onlardan yalnız ikisi - 55 kq-da Nihad Quluzadə və 87 kq-da Laçın Vəliyev yarımfinala yüksəliblər. İdmançılar finala gedən yolda müvafiq olaraq, almaniyalı Georgios Skarpello və ermənistanlı Vigen Nazaryanla qarşılaşacaqlar.

63 kq-da Ziya Babaşovun təsnifatda uduzduğu ukraynalı Oleq Xalilov və Heybulla Qıstarovun 1/4 finalda məğlub olduğu macarıstanlı Adolf Başo finala adlayacağı halda, Azərbaycan təmsilçiləri təsəlliverici görüşlərə qatılmaq hüququ qazanacaqlar.

77 kq-dakı Xasay Həsənli isə mübarizəni erkən dayandırıb.

Qeyd edək ki, yarımfinal görüşlər Bakı vaxtı ilə saat 20:00-da başlayacaq.

Oxşar xəbərlər

Azərbaycan güləşçisi finala yüksəldi - Avropa çempionatı

Xasay Həsənli yarımfinalda - Avropa çempionatı

İki güləşçimiz Avropa çempionu oldu - UĞUR

İki güləşçimiz finalda - Avropa çempionatı

Azərbaycan güləşçiləri erməniyə rəqib oldu - Avropa çempionatı