İntizam Komitəsinin bu gün keçirilən iclasında aşağıdakı qərarlar qəbul olunub. 

 

Sportfm.az xəbər verir ki, Topaz  Premyer Liqasının XXI turunun "Kəpəz” – AZAL matçının video yazısını izlədikdən sonra İntizam Komitəsi aşağıdakı qərarı qəbul edib:

Oyunun 64-cü dəqiqəsində AZAL klubunun 44 №-li futbolçusu Alamadine Omega Roberts rəqib futbolçuya qarşı aqressiv hərəkətinə görə futbolçu 3 oyun cəzalanır, klub 2400 manat cərimə olunur (maddə 38.2).

Hakimlər Komitəsi hakim haqqında lazımi ölçü götürüb İntizam Komitəsini məlumatlandırsın.

Topaz  Premyer Liqasında çıxış edən klubların əvəzedici heyətlərinin XXI turunun "Neftçi” – "Zirə” matçının 42-ci dəqiqəsində "Zirə” klubunun 97 №-li futbolçusu 

Tapdıq Əhmədov ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 100 manat cərimə olunur (maddə 48).

I Divizionun XVIII turunun "Turan Tovuz” – "Şəmkir” matçının əvvəlində "Şəmkir” klubunun azarkeşləri tərəfindən  pirotexniki vasitələrdən istifadə edildiyi üçün klub 80 manat cərimə olunur (maddə 52).

I Divizionun XVIII turunun "Şərurspor” – "Qaradağ Lökbatan” matçının 71-ci dəqiqəsində "Qaradağ Lökbatan” klubunun 24 №-li futbolçusu Elmar Mirzəyev ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).