Bakıda Vətən müharibəsi qazilərinin iştirakı ilə şəhidlərin xatirəsinə həsr olunmuş veloyürüş keçirilib.

Sportfm.az xxəbər verir ki, 27 sentyabr – Anım Günü ilə bağlı təşkil edilən veloyürüşə 30-dan çox qazi, qurumun nümayəndələri və milli komandanın üzvləri qatılıb.

Öncə yürüş iştirakçıları İkinci Fəxri xiyabanı ziyarət ediblər. 44 günlük Vətən müharibəsində respublikanın ərazi bütövlüyünün qorunması, bərpası və torpaqların işğaldan azad olunması uğrunda gedən döyüşlərdə şəhidlik zirvəsinə ucalan qəhrəmanların xatirəsi ehtiramla yad edilib, məzarları üzərinə gül dəstələri qoyulub.

Daha sonra veloyürüşə “Azneft” dairəsindən start verilib. İştirakçılar Dənizkənarı Bulvarla hərəkət edərək Hərbi Qənimətlər Parkının qarşısında yürüşü başa vurublar.

Qazilər Hərbi Qənimətlər Parkını gəzib, Vətən müharibəsi zamanı düşmənin qoyub qaçdığı atıcı silahlar, ağır texnikalar, raket kompleksləri, hərbi nəqliyyat və digər sursatlara bir daha baxıb,Vətən müharibəsində Azərbaycan hərbçilərinin qəhrəmanlığından, keçdikləri döyüş yolundan danışıblar.

Oxşar xəbərlər

Bu gün Azərbaycanda Anım Günüdür

ASK Arenada şəhid azarkeşin xatirəsi yad edildi - Anım Günü

Bu gün Anım Günüdür - 27 sentyabr

“Neftçi” şəhidlərin əziz xatirəsini ehtiramla yad etdi - VİDEO

Dövlət Bayrağı Gününə həsr olunan veloyürüş keçirildi