Bu gün Misli Premyer Liqasında VIII tura yekun vurulacaq.

Sportfm.az xəbər verir ki, sonuncu oyun günündə daha 2 qarşılaşma baş tutacaq.

Əvvəlcə “Şamaxı” doğma meydanda “Sabah”la münasibətlərinə aydınlıq gətirəcək.

Turun son qarşılaşması isə “Sumqayıt”la “Kəpəz” arasında baş tutacaq. Sumqayıtlılar köhnə-yeni baş məşqçi Samir Abasovun rəhbərliyi altında ilk matça çıxacaqlar.

Xatırladaq ki, bu turun digər matçlarında “Qəbələ” səfərdə “Səbail”ə (2:1), “Zirə” “Turan Tovuz”a (3:1) qalib gəlibsə, “Qarabağ” da əzəli rəqibi “Neftçi”ni 3:1 hesabıyla yenib.

Misli Premyer Liqası
VIII tur
2 oktyabr

“Şamaxı” – “Sabah”
Hakimlər: Tural Qurbanov, Elşad Abdullayev, Vüsal Məmmədov, Emin Əliyev.
Şamaxı şəhər stadionu, 15:30.

“Sumqayıt” – “Kəpəz”
Hakimlər: Kamal Umudlu, Pərvin Talıbov, Müslüm Əliyev, Əli Əliyev
Hakim-inspektor: Gülağa Cabarov.
“Sumqayıt Arena”, 18:00.

Oxşar xəbərlər

Tura Sumqayıtda yekun vurulacaq

“Səbail" “Sabah”a, “Sumqayıt” “Neftçi”yə qarşı - YENİLƏNİR

“Qəbələ” və “Sabah” qələbə sorağında - YENİLƏNİR

“Zirə” “Neftçi”yə qarşı - YENİLƏNİR

“Turan Tovuz” “Səbail”lə üz-üzə - YENİLƏNİR