“Qarabağ” Misli Premyer Liqasının 2022/23 mövsümünün startında ardıcıl 7-ci qələbəsini qazanıb.

Sportfm.az xəbər verir ki, 8-ci turda “Neftçi” ilə görüşən Qurban Qurbanovun komandası xal itkisi ilə üzləşməyən yeganə komandadır. Bu, ölkə çempionatları tarixində 8-ci belə seriyadır. Cari mövsümədək 7 dəfə bir klub ilk yeddi qarşılaşmada xal itirməyib.

“Qarabağ” ikinci dəfə bunu bacarıb. Ağdamlılar 2019/20 mövsümünə də belə başlayıb.

Tarixdə yalnız 4 komanda belə starta imza atıb. “Qarabağ”dan başqa, “Neftçi” dörd (1992, 1994/95, 1996/97, 2000/01), “Şəfa” (2003/04) və “Xəzər Lənkəran” (2007/08) hərəyə bir dəfə ilk yeddi görüşdə qalib gəlib.

Qeyd edək ki, “Qarabağ” “Neftçi” üzərində 3:1 hesablı qələbə qazanıb.

Oxşar xəbərlər

“Neftçi”dən rekord, “Sumqayıt”dan bir ilk - Premyer Liqa

"Neftçi" qış çempionu oldu - 9-cu dəfə

"Qarabağ" tarix yazdı - Bir oyunda 6 qol

Kəpəz”, “Turan” və “Qarabağ” ilk üçlükdə, “Neftçi”dən üç dəfə

“Kəpəz”lə “Neftçi”nin rekordu qırılmadı - Tarixin 3-cüsü