Qətərdə keçirilən dünya çempionatında Tunis və Fransa yığmaları arasında D qrupunun 3-cü tur oyununda kuryoz hadisə baş verib.

Sportfm.az xəbər verir ki, Avropa təmsilçisinin hücumçusu Antuan Qrizmannın 90+8-ci dəqiqədə vurduğu qol final fitindən sonra ləğv edilib.

Matçın baş hakimi Mettyu Konger əvvəlcə qolu qeydə alsa da, görüş başa çatdıqdan sonra VAR sistemi epizoda müdaxilə edib. Nəticədə oyundankənar vəziyyət qeydə alınıb və qol sayılmayıb.

Görüş Tunis yığmasının 1:0 hesablı qələbəsi ilə yekunlaşıb. Fransa millisi məğlubiyyətə baxmayaraq, qrupu 6 xalla ilk pillədə başa vurub. Tunis millisi isə 4 xal toplamasına baxmayaraq, 3-cü yerlə kifayətlənib.

Oxşar xəbərlər

Avstraliya 2-ci matçında qalib gəldi - DÇ-2022

Fransa Danimarkaya, Argentina Meksikaya qarşı - DÇ-2022

Afrika Millətlər Kubokunun finalçıları məlum oldu

Daha iki ölkə Dünya çempionatı 2018-ə vəsiqə qazandı

Rio Olimpiya Oyunlarında kuryoz hadisə - FOTO