17 və 19 yaşadək qadın futbolçulardan ibarət komandalar arasında təşkil olunan Avropa çempionatının 2022/2023-cü illər mövsümünün ikinci mərhələsinin püşkü atılıb.

Sportfm.az xəbər verir ki, UEFA Millətlər Liqası formatında təşkil olunan seçmə mərhələ oyunlarında müvafiq yaş qrupundan ibarət Azərbaycan milli komandalarının mübarizə aparacaq qrupları müəyyənləşib.

17 yaşadək futbolçulardan ibarət milli B Liqasında Bosniya və Herseqovina, Qazaxıstan və Monteneqro yığmaları ilə birlikdə 2-ci qrupda mübarizə aparacaq. Bu qrupun oyunları gələn ilin 22, 25, 28 mart tarixlərində Bosniya və Herseqovinada təşkil olunacaq.

B Liqasında çıxış edəcək U-19 isə üç komandalı 5-ci qrupda qərarlaşıb. U-19 A Liqasına vəsiqə qazanmaq uğrunda Slovakiya və Monteneqro yığmaları ilə mübarizə aparacaq.

Bu qrupun oyunları gələn ilin 5, 8, 11 aprel tarixlərində Slovakiyada keçiriləcək.

Oxşar xəbərlər

Milli komandamızın oyunu Elenaya tapşırıldı

Yığmamızın oyunlarının təqvimi - Avropa çempionatı

Yığmalarımızın rəqibləri bilindi - Avropa çempionatı

Azərbaycan millisinin rəqibləri bilindi - AÇ-2023

Millilərimizin rəqibləri açıqlandı - Avropa çempionatı