Futzal üzrə Avropa çempionatının əsas mərhələsində bu gün keçirilmiş Azərbaycan – Bosniya və Herseqovina oyunundan sonra komandamızın baş məşqçisi Biro Jadenin səsləndirdiyi fikirləri diqqətinizə çatdırırıq: Biz neçə vaxtdır iki topdan artıq qapımızda qol görmürdük. Ancaq bu gün rəqib vurduğu qollarla bizə stress yaşatdı. Yerli oyunçular bosniyalılara qarşı oynaya bilməzdi. Rəqib futzalçılar çox iri cüssəli idi. Faiq Əliyevi meydana buraxdıq və bunun şahidi olduq. Sonradan bunu nəzərə aldıq. Rövşən Hüseynli səhvlər etdi, ancaq meydanda öz işini gördü. Çempionatın səviyyəsi mütləq qalxmalıdır. Mən inanmaq istəyirəm ki, gələcəkdə Azərbaycan Yüksək Liqasının səviyyəsi artacaq, bu bizə çox lazımdır.