İran - Rusiya yoxlama matçı azarkeşsiz keçirilə bilər.

Sportfm.az xəbər verir ki, görüş martın 23-də Tehranda ölkənin ən böyük stadionu olan  “Azadi”də oynanılacaq.

“RB Sport”un məlumatına görə, İran qarşılaşmanın azarkeşsiz olub-olmayacağına hələ yekun qərar verməyib. Çox güman ki, İran Futbol Federasiyası azarkeşlərin tribunalara daxil olmasını qadağan edəcək.

Xatırladaq ki, Rusiya millisi Ukrayna ərazisinə silahlı müdaxiləyə görə bütün beynəlxalq rəsmi turnirlərdən kənarlaşdırılıb. Valeri Karpinin baş məşqçilik etdiyi komanda DÇ-2022-ni buraxıb. Həmçinin Rusiya millisi Avro 2024 və Millətlər Liqasının seçmə mərhələləri üçün püşkatmada da iştirak etməyəcək.

Rusiya millisi 2022-ci ildə üç yoldaşlıq oyunu keçirib. Komanda Qırğızıstanı (2:1) məğlub edib, Tacikistan (0:0) və Özbəkistanla (0:0) bərabərə qalıb.

Oxşar xəbərlər

Rusiya millisi siyahıya daxil edilmədi - UEFA-dan yeni qərar

Kamerun hökumətindən Rusiya qadağası

Ruslar boş tribunalar önündə oynayacaq

Rusiya yığması meydana çıxacaq - Rəqib İrandır

Ruslar farslara ümid edir - Oyun