Beynəlxalq Şahmat Federasiyası (FIDE) may ayı üçün reytinq cədvəlini açıqlayıb.i

lk “10-luq”da Azərbaycanın yenə bir təmsilçisi yer alıb.

Sportfm.az xəbər verir ki, Teymur Rəcəbov 2747 xalla 10-cu sıradakı mövqeyini qoruyub. Şəhriyar Məmmədyarov isə 2738 xalla 16-cı yerdə qalıb.

Qədir Hüseynov (2661) 1 pilləlik geriləyişlə 80-ci sıraya düşüb. Rauf Məmmədov (2646) isə əksinə, bir addım irəliləyib. O, hazırda 97-ci pillədədir.

Siyahıya əvvəlki kimi norveçli dünya çempionu Maqnus Karlsen (2853) başçılıq edir. Rusiyalı Yan Nepomnyaşi (2794) ikinci, çinli Din Liren (2789) üçüncüdür.

Qadın şahmatçıların hər biri 2 pillə geriləyib. Günay Məmmədzadə (2449) 25-ci, Ülviyyə Fətəliyeva (2401) 54-cü, Gövhər Beydullayeva (2375) 73-cü, Gülnar Məmmədova (2349) 98-ci yerdədir.

Qadınların reytinqinə çinli Xou İfan (2628) başçılıq edir. Onu FIDE bayrağı altında çıxış edən Aleksandra Qoryaçkina (2571) və hindistanlı Xampi Koneru (2567) izləyirlər.

Oxşar xəbərlər

Şahmatçılarımızın reytinq cədvəli açıqlandı - FİDE reytinqi

Rəcəbov mövqeyini qorudu, Məmmədyarov gerilədi - FİDE reytinqi

Teymur mövqeyini qorudu - FİDE reytinqi

Dünya çempionumuz elə bir şey etdiki....

Məmmədyarov və Rəcəbov gerilədi - FİDE reytinqi