Türkiyənin “Beşiktaş” komandasının “Sabah”la yoldaşlıq oyunu keçirmək üçün Bakıya gələcəyi tarix bəlli olub.

Sportfm.az xəbər verir ki, İstanbul təmsilçisi mayın 13-də Azərbaycan paytaxtına təşrif buyuracaq.

Klub prezidenti Ahmet Nur Çebinin xüsusi məsləhətçisi Erdal Cömert “Report”a açıqlamasında xəbəri təsdiqləyib: “Qismət olsa, komanda mayın 13-də Bakıda olacaq. Artıq proqram hazırdır. Amma hələ tam dəqiqləşməyib. Hər şey bəlli olduqdan sonra ictimaiyyətə açıqlama veriləcək”.

Qeyd edək ki, “Beşiktaş” Türkiyə Super Liqasının XXXIV turunda istirahət edəcək. Bundan yararlanmaq istəyən İstanbul nəhəngi xeyriyyə matçı üçün Bakıya gəlməyi planlaşdırır.

Oxşar xəbərlər

“Beşiktaş”ın səfər proqramı açıqlandı

"Beşiktaş"ın səfər planı dəqiqləşdi - Yoldaşlıq görüşü

“Sabah” – “Beşiktaş” oyunu baş tutacaqmı? – Klub rəsmisindən açıqlama

İtalyanlar Bakıya nə vaxt gələcək?

“Beşiktaş” Bakıda mağaza açacaq