“Qarabağ”ın baş məşqçisi Qurban Qurbanov Cəbəllütariqdə “Linkoln”a 2:1 hesabı ilə qalib gəldikləri UEFA Çempionlar Liqasının 1-ci təsnifat mərhələsinin ilk oyunundan sonra fikirlərini bölüşüb.
Sportfm.az xəbər verir ki, 51 yaşlı mütəxəssis qələbə münasibətilə futbolçularını təbrik edib:

“Rəqib komanda düşündüyümüz kimi oynadı. Meydança amili və hava şəraitini nəzərə alsaq, oynamaq asan deyildi. Bir neçə epizodu çıxmaq şərtilə, 90 dəqiqə ərzində çox diqqətli oynadıq. Sadəcə, 1-2 epizod zamanı bir az diqqətsizlik oldu.

“Linkoln” təcrübəli futbolçulardan qurulmuş kollektivdir. Hər birinin son nöqtəni qoymaq bacarığı var. 23-24 günlük səfərdən sonra komandada psixoloji yorğunluq çox idi. Buna baxmayaraq, özlərini düzgün idarə edib qələbə topunu vura bildilər. Oyunçularımın matça yanaşmasından razı qaldım”.

Komandalar arasında cavab oyunu iyulun 19-da Bakı Olimpiya Stadionunda keçiriləcək.

Oxşar xəbərlər

Qurbanov: Qalib gələcəyimiz təqdirdə...

“Qarabağ” – “Linkoln” oyununa neçə bilet satıldı?

Ən az azarkeş "Linkoln" - "Qarabağ" matçında oldu - Çempionlar Liqası

“Qarabağ” “Linkoln”a qarşı - Çempionlar Liqası

“Qarabağ”ın “Linkoln”la oyunlarının vaxtı - Çempionlar Liqası