“Sumqayıt” Futbol Klubu Avropa Klublar Birliyinə (ECA) üzv seçilib.
Sportfm.az xəbər verir ki, bu barədə ECA-dan kluba rəsmi müraciət daxil olub.

Bildirilib ki, klub Birliyin 2023-2027-ci il tsikli üçün Assosiativ üzvlüyünə qəbul olunub.

Həmçinin qeyd olunub ki, “Sumqayıt” FK qurumun sentyabrda baş tutacaq Baş Assambleyasına dəvət olunacaq.

Məlumat üçün bildirək ki, Assosiativ üzvlərin ECA-nın Baş Assambleyasında iştirak etmək də daxil olmaqla, çox geniş hüquqları var. Onlar müxtəlif bölmələrə rəhbərlik üçün namizədlər irəli sürmək, səsvermələrdə iştirak etmək, həmçinin ECA-nın müxtəlif məşvərət orqanlarına (məsələn, İşçi qruplar) müraciət etmək hüququna malikdirlər.

Qeyd edək ki, 2008-ci ildən fəaliyyətə başlamış ECA UEFA və FIFA tərəfindən tanınan yeganə klublar birliyi platformasıdır. Birliyin hazırda 330 üzvü vardır ki, bu klublar UEFA-nın 55 futbol assosiasiyasının təmsilçiləridir.

Azərbaycan klublarından “Neftçi”, “Qarabağ” və “Qəbələ” hazırda qurumun üzvləridir.

Oxşar xəbərlər

AFFA 6 kluba lisenziya verdi - Avrokuboklar üçün

"Qəbələ" rəsmisi beynəlxalq qurumda təyinat aldı

“Qarabağ” rəsmisi Avropa Klublar Birliyinin İcraiyyə Şurasına üzv seçildi

"Qəbələ" Avropa Klublar Assosiasiyasına üzv seçilib

"Turan Tovuz" və "Zaqatala" Premyer Liqada olmayacaq!