Qurban Qurbanov baş məşqçi kimi Azərbaycan çempionatlarında 300-cü qələbəsini qazanıb.

Sportfm.az xəbər verir ki, 51 yaşlı mütəxəssisin yubileyi Premyer Liqanın 2-ci turuna təsadüf edib.

Onun rəhbərlik etdiyi “Qarabağ” öz meydanında “Turan Tovuz”la qarşılaşıb. 3:0 hesablı qələbə Qurbanov üçün sayca 300-cü olub.

Mütəxəssis bu rəqəmə iki komandada – “Neftçi” və “Qarabağ”da çalışdığı müddətdə çatıb. Bu göstəricidə ölkə çempionatında rekordçu olan Qurbanovun ən yaxın izləyicisi Ağasəlim Mircavadovun hesabında 204 qələbə var.

Qurbanovun baş məşqçi kimi çempionatdakı ilk qələbəsi 2006-cı il avqustun 6-da qeydə alınıb. Onun debütündə çalışdırdığı “Neftçi” “Gənclərbirliyi”ni 6:1 hesabı ilə məğlub edib.

Oxşar xəbərlər

Qurban Qurbanov “Qarabağ”la 400-cü qələbəsini qazandı

Qurbanovun Premyer Liqada 500-cü oyunu

Qurbanov üçün anlamlı qələbə

Qurbanov 700-cü oyununu keçirdi

Qurban Qurbanovun 200-cü qələbəsi