UEFA AVRO-2024-ün seçmə mərhələsinin VIII turunun oyunlarından sonra statistik göstəriciləri açıqlayıb.
Sportfm.az xəbər verir ki, Azərbaycan millisi indiyədək ən çox qurtarış edən komandaların siyahısında yer alıb.

Yığmanın qapıçıları 6 görüşdə 27 seyvlə bu göstəricidə səkkizincidir.

Azərbaycan millisi qarşılaşmalar ərzində rəqibdən top "oğurlamaq"da (207 dəfə) sonuncu pillələrdədir. Komanda 52 ölkə arasında 47-cidir. Yığma qapıya zərbələrdə (45) də eyni mövqedə qərarlaşıb.

Canni De Byazinin baş məşqçisi olduğu kollektiv ötürmə dəqiqliyinə (79,7 faiz) görə yalnız 31-ci ola bilib. Təmsilçimiz vurulan qol sayında da bir çoxlarından geridədir. 6 görüşdə rəqib qapılarına 4 dəfə yol tapan milli 44-cü sıradadır.

Oxşar xəbərlər

Azərbaycan millisi Belçikaya qarşı - AVRO-2024

Azərbaycan millisi irəlilədi - FIFA reytinqi

Bu dəfə də olmadı - Millimiz Avstriyaya uduzdu

Axır ki, qalib gəldik - AVRO-2024

Azərbaycan millisi ilk “5-lik”də - Millətlər Liqası