UNESCO-nun mənzil-qərargahında idmanda dopinqə qarşı Beynəlxalq Konvensiyaya Tərəf Ölkələrin 9-cu konfransı keçirilir.
Sportfm.az xəbər verir ki, Azərbaycan konfransda gənclər və idman naziri Fərid Qayıbovun rəhbərlik etdiyi nümayəndə heyəti ilə təmsil olunur.

Konfransın gündəliyinə əsasən, bu gün Konvensiyanın Bürosuna seçkilər keçirilib və nazir Fərid Qayıbov yekdilliklə büronun sədr müavini seçilib.

Konfransda həmçinin cari ilin iyununda ölkəmizin Bədən Tərbiyəsi və İdman üzrə Nazirlərin və Yüksək Vəzifəli Şəxslərin 7-ci Beynəlxalq Konfransına ev sahibliyi etməsi, UNESCO-nun bir çox layihələrində fəal iştirakı və ümumiyyətlə, təşkilata verdiyi töhfəsi həm üzv dövlətlər, həm də bütövlükdə təşkilat tərəfindən yüksək qiymətləndirilib.

Oxşar xəbərlər

Nazir federasiya nümayəndələri ilə görüşdü

Azərbaycan Hökuməti ilə UNESCO arasında müqavilə imzalanıb

Qayıbov beynəlxalq konfransda iştirak etdi

AMADA-nın direktoru UNESCO-nun tədbirində

Azad Rəhimov Kazanda çıxış edəcək