Arxada qalan mövsümdə Premyer Liqada uğursuz çıxış edən "Kəpəz"də "yarpaq tökümü" davam edir. 

Sportfm.az saytına etibarlı mənbədən daxil olan məlumata görə, Gəncə klubunu tərk edənlərin sırasına braziliyalı futbolçu Renan Alvesdə qoşulub. Klub rəhbərliyi tərəfindən müqavilə müddəti uzadılmayan Renanın göndərilməsinə əsas səbəb kimi şəxsi intizamsızlıq önə çəkilir. Spirtli içkilərə aludəçiliyi ilə tanınan Alvesin karyerasını hansı klubda davam etdirəcəyi məlum deyil.