“Qarabağ”ın baş məşqçisi Qurban Qurbanov Misli Premyer Liqasının 13-cü turu çərçivəsində “Səbail”ə qarşı keçirdikləri oyunu şərh edib.
Sportfm.az xəbər verir ki, o, 3:1 hesabıyla qalib gəldikləri oyundan sonrakı mətbuat konfransında bunları söyləyib:
"Futbolçularımı təbrik edirəm. Çox vacib qələbə qazandılar. Sürətli əks-hücumları olan komandaya qarşı oynayırdıq. Yorğunçuluq olsa da, futbolçular sona qədər oyun intizamını qoruyub-saxlaya bildilər. Meydanda çox əziyyət çəkdilər. Bir neçə gün istirahət etdikdən sonra futbolçularla yenidən birlikdə olacağıq. Şahin Diniyevə də uğurlar arzulayıram.
Milli komandalara görə yaranan fasilələr futbola çox böyük zərbə vurur. Dəfələrlə olub ki, mənim komandamda ən bahalı futbolçular milli fasilədə zədələnib. Milli komandaya gedirlər, yorğun qayıdırlar, formadan düşürlər. FİFA bu barədə düşünməlidir. Tək bizim yox, dünya futbolu üçün problem halına gəlmiş bir vəziyyətdir. Bu, geniş bir mövzudur. Çox danışmayım, sonra məni cərimələyərlər”.

Oxşar xəbərlər

Qurbanov Sxadadzeni təriflədi - "Çox yaxşı baş məşqçiyə qarşı oynayırdıq"

"Eyni oyunu onlardan tələb edə bilməzdim" - Qurban Qurbanov

Qurban Qurbanov 2023-cü ildə qazanılan uğurdan danışdı

“Şəhidlərimizin qəhrəmanlığı sayəsində buradayıq” - Qurban Qurbanov

Qurban Qurbanov: "Bizim üçün vacib qələbə idi"