“Qarabağ” klubu UEFA reytinqində irəliləyib.

Sportfm.az xəbər verir ki, buna Azərbaycan çempionunun UEFA Avropa Liqasının qrup mərhələsində İsveçi “Hakken” üzərində Bakıda 2:1 hesablı qələbəsi səbəb olub.

“Qarabağ” son 5 mövsümdə toplanan əmsalların cəminə əsasən tərtib edilən siyahıda 59-cu pilləyə yüksəlib. Ağdamlılar İtaliyanın “Fiorentina” klubu ilə birlikdə bu mövqeni bölüşdürürlər.

Qurban Qurbanovun yetirmələrinin hesabında 31.000 xal var. Komanda bunun 9.000-nı cari mövsümdə əldə edib. “Qarabağ” reytinqdə “Monako” (Fransa), “Lester”, “Aston Villa”, “Nyukasl” (hamısı İngiltərə), “Volfsburq”, Münhenqladbax “Borussiya”sı (hər ikisi Almaniya), “Valensiya” (İspaniya) kimi klubları qabaqlayır.

UEFA reytinqinə İngiltərə təmsilçisi “Mançester Siti” (141.000) başçılıq edir. Almaniyanın “Bayern” klubu 136.000 əmsalla ikinci sırada yer alıb. İlk üçlüyü “Real” (123.000) qapayıb.

Oxşar xəbərlər

UEFA reytinqində xal ehtiyatımız artdı

“Qarabağ” irəlilədi, “Neftçi” ilə “Sabah” gerilədi - Dünya reytinqi

“Qarabağ”la “Sabah” irəlilədi - Dünya reytinqi

Azərbaycan klublarının UEFA reytinqindəki mövqeləri

Azərbaycan klublarının UEFA reytinqi