"Baku Sportinq" komandası məşqçinin işinə xitam verib.
Sportfm.az saytı Buzovnanı təmsil edən klubun mətbuat xidmətinə istinadən xəbər verir ki, AFFA Nizam-İntizam Komitəsinin qərarı ilə U-13 liqasında komandanın heyətində lisenziyası olmayan futbolçunu meydana buraxaraq, “Baku Sportinq”in cəza almasına səbəb olan məşqçi Şamil Məmmədovun işinə xitam verilib.
Klub rəhbərliyi məşqçi məsuliyyətini dərk etməyən, yarandığı gündən etibarən qarşıya qoyulan vəzifələrə zərbə vuran və klubun imicinə xələl gətirən mütəxəssisi komandada saxlamağı lazım bilməyib.
Buzovna təmsilçisinin əsas məqsədi Azərbaycan futbolunun inkişafına töhfə vermək, bu sahədə örnək klublardan birinə çevrilməkdir. Klubun bu istiqamətdəki işinə xələl gətirən hansısa bir addımı atan şəxs sıralarından xaric ediləcək.

Oxşar xəbərlər

“Baku Sportinq” üçdə üç etdi!

“Baku Sportinq” “Sabah”a 4 top vurdu

"Baku Sportinq" məğlubiyyətə görə mükafat verməyib - TƏKZİB

“Baku Sportinq”ə 1 qol bəs etdi - II Liqa

2-ci liqa klubuna texniki məğlubiyyət verildi - Qərar