“Neftçi” Azərbaycan çempionatları tarixində 200-cü heç-heçəsinə imza atıb.
Sportfm.az xəbər verir ki, bu yubiley Misli Premyer Liqasının 19-cu turuna təsadüf edib.

“Ağ-qaralar” “Sabah”la səfər matçına çıxıb. Bakı derbisi qolsuz başa çatıb.

“Neftçi” 1992-ci ildən daimi iştirakçısı olduğu ölkə çempionatlarındakı 908-ci görüşdə 200-cü sülhə imza atıb. Bakılılara qədər yalnız “Qarabağ” 200 heç-heçə səddini keçib.

Qeyd edək ki, “Neftçi”nin ilk bərabərliyi məhz “Qarabağ”la matçda gerçəkləşib. 1992-ci il sentyabrın 26-dakı ev matçında paytaxt təmsilçisi bir xalı bir qolla qazanıb – 1:1.

Oxşar xəbərlər

“Neftçi” 200-cü dəfə məğlub oldu - Azərbaycan çempionatları

“Qarabağ” və “Neftçi”nin 900-cü oyunu - Yubiley

Emin Mahmudov üçün yubiley matç

“Neftçi”nin tarixində növbəti uğursuz seriya - Misli Premyer Liqası

“Neftçi” 1000-i yarıladı