“Qarabağ” Misli Premyer Liqasının 2023/24 mövsümündə 50-ci qolunu vurub.
Sportfm.az xəbər verir ki, bu, 20-ci turun “Kəpəz”lə səfər matçına (2:1) təsadüf edib. Ağdam klubunun yubiley qoluna Toral Bayramov imza atıb.

“Qarabağ” ölkə çempionatları tarixində 15-ci dəfə mövsüm ərzində 50 və ya daha çox qol vurub. Bu, yarışın yeni rekordudur. Bölgə təmsilçisi 14 dəfə “50”yə çatan “Neftçi”ni arxada qoyub.

Ümumilikdə isə çempionatın 32 illik tarixində 62-ci dəfə komandalardan biri buna nail olub. İndiyədək 17 klub belə məhsuldarlıq göstərib: “Qarabağ” – 15, “Neftçi” – 14, “Kəpəz” - 7, “Şamaxı” – 4, “Bakı”, “Turan”, “Şəmkir” – 3, “Karvan”, “Xəzər” S, “Xəzər Lənkəran” – 2, “Şüvəlan”, “Azəri”, “İnşaatçı” B, “Kürmük”, “Viləş”, “Sabah” və “Xəzri” – 1.(pfl.az)

Oxşar xəbərlər

“Qarabağ” hamını arxada qoydu - son 25 ilin rekordu

21-ci əsrdə 6-cı dəfə

“Qarabağ”dan 5-ci dəfə 7 qol - Misli Premyer Liqası

Azərbaycan çempionatları tarixinin bombardirləri - SİYAHI

“Neftçi”dən rekord, “Sumqayıt”dan bir ilk - Premyer Liqa