ASK Arenada beynəlxalq yoldaşlıq görüşü baş tutub.

Sportfm.az xəbər verir ki, arenanın əsas meydançasında Türkmənistanın Yüksək Liqasını təmsil edən "Nebitçi" ilə İkinci Liqanın lideri "Baku Sporting" üz-üzə gəlib.

Dördqat Türkmənistan çempionu bu matçda Elman Sultanovun rəhbərlik etdiyi komandaya 2-0 hesabıyla qalib gəlib.

Aleksandr Klimenkonun kollektivi Buzovna təmsilçisinin qapısından hər iki topu birinci 45 dəqiqədə keçirib - 8 və 36-cı dəqiqə.

İkinci hissədə bərabər səviyyəli oyuna şahidlik edən azarkeşlərin qol görmək arzusu reallaşmayıb.

Oyundan sonra hər iki komandanın üzvləri xatirə şəkli çəkdiriblər.

Qeyd edək ki, Azərbaycanda toplanışda olan "Nebitçi" 3 gün sonra daha bir İkinci Liqa təmsilçisi olan "Qusar"la qarşılaşacaq.

Oxşar xəbərlər

“Baku Sporting”dən Şamaxıda qızıla bərabər 1 xal

"Sumqayıt" Türkmənistan klubuna qarşı - Yoxlama görüşü

“Baku Sportinq” üçdə üç etdi!

“Baku Sportinq” “Sabah”a 4 top vurdu

"Baku Sporting" Premyer Liqada çıxış edən futbolçu ilə gücləndi