Martın 12-dən 15-dək Şağan Olimpiya İdman Kompleksində güləş üzrə U-15 Azərbaycan çempionatı keçiriləcək.

Sportfm.az xəbər verir ki, üçüncü dəfə keçiriləcək bu birincilikdə sərbəst və yunan-Roma güləşi ilə yanaşı, ilk dəfə qadın güləşi üzrə də mübarizə baş tutacaq.

Azərbaycan Güləş Federasiyasının Gənclər və İdman Nazirliyi ilə ortaq təşkil etdiyi yarışın ilk 2 günündə sərbəst güləşçilər çıxış edəcək. Çempionatın 2-ci günündə qadın güləşi üzrə qaliblər də müəyyənləşəcək. Birinciliyin son 2 günündə isə yunan-Roma güləşi üzrə yarış keçiriləcək.

Beynəlxalq və milli dərəcəli hakimlərin idarə edəcəyi ölkə çempionatının görüşləri hər gün saat 10:00-da başlayacaq.

Birincilikdə medal qazanan idmançılar müvafiq yığma komandalara cəlb ediləcək.

Oxşar xəbərlər

Azərbaycan çempionatının başlama vaxtı bilindi

Yunan-roma güləşçiləri Bakı İdman Sarayında

Gənclər arasında Azərbaycan birinciliyi keçiriləcək

Güləşçilər Bakı İdman Sarayına yığışır

Qeyri-olimpiya çəki dərəcələri üzrə Dünya çempionatı başlayır