PSJ Çempionlar Liqasının 1/4 final mərhələsində klubdan ayrılaraq “Real”a keçmək qərarını açıqlamayacağı barədə hücumçu Kilian Mbappe ilə razılığa gəlib.

Sportfm.az xəbər verir ki, bu barədə “sport.es” məlumat yayıb.

Paris klubunun rəhbərliyi mövsümün həlledici mərhələsində komandanın qeyri-futbol məsələlərinə görə yayınmasını istəmir.

25 yaşlı hücumçunun mövsümün sonunda, müqaviləsi başa çatdıqdan sonra klubdan ayrılacağına əmin olduğu vurğulanır.

Bundan əvvəl mətbuatda Mbappenin “Real”la 5 illik müqavilə imzaladığı barədə məlumatlar yayılmışdı. Fransalı hücumçunun artıq İspaniyada ev axtarmağa başladığı bildirilib.

Çempionlar Liqasının 1/4 final mərhələsində PSJ “Barselona” ilə qarşılaşacaq. İlk oyun aprelin 10-da, cavab qarşılaşması isə aprelin 16-da baş tutacaq.

Oxşar xəbərlər

Mbappe rəsmən "Real"da - FOTO

"Real" ulduzunun formasını satışı çıxarır - FOTO

Mbappe PSJ-dən ayrılır - RƏSMİ

Fransalı Çempionlar Liqasında hamını qabaqladı

İspaniya super klubu istəyinə çatır - İllik 35 milyon avro maaş