17 yaşadək qadın futbolçulardan ibarət Azərbaycan milli komandası Avropa çempionatının seçmə mərhələsinin II raundu çərçivəsində B Liqasının 2-ci qrupunda son oyununu keçirib.
Moldovanın müvafiq yaş qrupundan ibarət komandası ilə qarşılaşan millimiz 4:1 hesabı ilə qalib gəlib. Oyunda hesabı 7-ci dəqiqədə Ayşən Salamzadə açıb. Arzu Cəfərova 25-ci dəqiqədə fərqi iki topa çatdırıb. Komandamızın 3-cü qolunu 63-cü dəqiqədə Vahidə Əlipaşayeva vurub. Millimizin 4-cü qolunu isə 78-ci dəqiqədə Xanım Əsədova vurub.
Bundan əvvəl Bolqarıstan yığmasına 1:6, Sloveniyaya isə 0:4 hesabı ilə məğlub olan Azərbaycan milli komandası qrupu 3 xalla 3-cü pillədə başa vurub.
Matçda ikinci qolu vuran Arzu Cəfərova "Baku Sporting" komandasının aparıcı üzvüdür. Klubun uşaq-futbol akademiyasının yetirməsi olan Arzu liderlik keyfiyyətləri ilə seçilir. Cəfərova Buzovna təmsilçisinin Azərbaycan futboluna qazandırdığı istedadlardan biridir.

Oxşar xəbərlər

"Baku Sportinq"in futbolçuları milli komandada

Millimiz son oyunda da uduzdu

Millimiz Türkiyə yığmasına qalib gəldi - Yoxlama oyunu

Belarusla heç-heçə etdik

"Dinamo Balakən"in futbolçusu milli komandada