Bu gün futzal üzrə Yüksək Liqada mövsümün sonuncu – 20-ci turunun oyunları keçirilib.

Sportfm.az xəbər verir ki, “Record club” yarışdan kənarlaşdırıldığı üçün “Baku Fire” 3 xalı meydana çıxmadan hesabına yazdırıb.

“Yasamal Bakı” ilə qarşılaşan “Neftçi” meydançaya legionerlərsiz çıxıb və 15:6 hesablı qələbəyə sevinib.

Yüksək Liqada mövsümün son matçında isə “Araz-Naxçıvan” və U-19 üz-üzə gəlib. Gözlənildiyi kimi, son çempion çətinlik çəkmədən qələbə qazanıb – 8:0.

Bununla da Yüksək Liqada 2023/2024 mövsümünə yekun vurulub.

Son oyundan sonra komandalara mükafatlar təqdim olunub. Əvvəlcə matçın hakim-inspektoru Murad Məmmədov və referilər – Elgün Hüseynov, Mahir Məmmədov və Rza Məmmədov səhnəyə dəvət alıblar. Bundan başqa, Vitali Borisova (“Araz-Naxçıvan”) ən yaxşı baş məşqçi, 57 qol vuran “Neftçi”nin üzvü Reza Abgouna ən məhsular oyunçu nominasiyası üzrə mükafat təqdim edilib. “Neftçi”yə bürünc, “Baku Fire”yə gümüş, “Araz-Naxçıvan”a isə qızıl medallar və çempionluq kuboku təqdim edilib.

Mükafatları Azərbaycan Futzal Federasiyasının vitse-prezidenti Elşən Abasov və AFFA-nın baş katibinin müavini Kamran Vəliyev təqdim ediblər.

Oxşar xəbərlər

“Araz-Naxçıvan” çempionluğunu təmin etdi - Yüksək Liqa

“Baku Fire” “Record”u peşman etdi - Yüksək Liqa

“Neftçi”, “Araz-Naxçıvan” və “Baku Fire” böyükhesablı qələbə qazandı

“Araz-Naxçıvan” – “Neftçi” matçında FİFA referisi

Mövsümün ilk oyunu FİFA referilərinə tapşırıldı