AFFA İntizam Komitəsi “Kəpəz”i 8500 manat cərimələyib.
Sportfm.az xəbər verir ki, buna Azərbaycan Premyer Liqasında 33-cü turunun “Sumqayıt”a qarşı oyununda baş verən qayda pozuntuları səbəb olub.

Qarşılaşmanın 90+2-ci dəqiqəsində “Kəpəz”in futbolçusu Olavale Onanuqa hakimi təhqir etdiyi üçün birbaşa qırmızı vərəqə aldığı üçün 2 oyun şərti olmaqla 4 oyun cəzalanıb. Sınaq müddəti 3 ay təyin edilib. Gəncə klubu isə buna görə 3 000 manat cərimə ödəyəcək.

Oyununun 90+6-cı dəqiqəsində isə “Kəpəz”in digər futbolçusu Martins Junior ikinci sarıdan qırmızı vərəqə aldıqdan sonra rəqib komandanın texniki zonasına qeyri-etik ifadələr işlətdiyinə, onları təhqir etdiyinə görə 4 oyun cəzalanıb, klub 3000 manat cərimələnib. Bundan başqa, komanda 4 futbolçusu sarı vərəqə aldığı üçün 700, azarkeşləri tərəfindən meydana kənar əşyalar atıldığına görə 800, azarkeşləri tərəfindən hakimlər kütləvi şəkildə təhqir edildiyi üçün 1000 manat ödəyəcək.

İntizam Komitəsi “Sumqayıt”ı da cərimələyib. Buna matçın 90+6-cı dəqiqəsində Vüqar Mustafayevin ikinci sarıdan qırmızı vərəqə alaraq meydandan qovulması səbəb olub. Futbolçu 1 oyun cəzalanıbsa, klubunu 500 manat ziyana salıb.

Oxşar xəbərlər

Tovuz klubu 3 qaydanı pozduöu üçün cərimələndi

Daha bir komandaya texniki məğlubiyyət verildi - QƏRAR

İntizam Komitəsi qərarları açıqladı

AFFA klubları cərimələdi və cəzalandırdı

İntizam Komitəsinin qərarları açıqlandı