Futtennis üzrə 1-ci Azərbaycan Kubokuna start verilib. 

Sportfm.az xəbər verir ki, iki qrupda mübarizə aparan 10 komanda arasında 1/4 finala vəsiqə qazananlar məlum olub. "Dinamo" İdman Cəmiyyətində keçirilən və açılış mərasimin düzənləndiyi turnirin matçlarından sonra A qrupundan Xəmsəfans-Gəncə, Yasamal, Atletiko, Qatar kollektivləri növbəti mərhələyə yüksəlib, Hell Energy komandası isə qrup sonuncusu olub. B qrupundan Marafon, Veteranlar, Neftçi və Yeni Günəşli adını 1/4 finala yazdırıb. Qrupda 5-ci olan Baku Fire klubu isə turnirlə vidalaşıb. Azərbaycan Kubokunun 1/4 final mərhələsinin görüşləri sabah saat 13:00-da, "Dinamo" İdman Cəmiyyətinin zalında baş tutacaq. 

Qeyd edək ki, turnirdə sabiq futbolçular Aslan Kərimov, Fizuli Məmmədov, Rüfət Hüseynov, Xəqani Məmmədov, "Kəpəz"in keçmiş futbolçusu Bəxtiyar Soltanov iştirak edir.