İyunun 29-da AFFA yanında Media Komitəsinin İdarə Heyətinin üzvləri AFFA-da baş katib Elxan Məmmədov ilə görüşüb.

 

Sportfm.az saytı xəbər verir ki, AFFA-nın İnformasiya və İctimaiyyətlə Əlaqələr departamentinin rəhbəri Mikayıl Nərimanoğlu ilə federasiya rəsmisi Firuz Abdullanın da qatıldığı görüşdə MK-nın fəaliyyəti ilə bağlı bir çox aktual məsələ müzakirə olunub. Görüşdə MK-nın 2016-cı il martın 11-də AFFA İcraiyyə Komitəsi tərəfindən qəbul olunan Əsasnaməsinə əlavə və dəyişikliklər hazırlamaq üçün üç nəfərdən ibarət (ikisi İdarə Heyətindən, biri AFFA-dan) işçi qrupun yaradılması qərara alınıb.