Bakıda Azərbaycan və Almaniya Milli Antidopinq Agentlikləri arasında Anlaşma Memorandumu imzalanıb.
Sportfm.az xəbər verir ki, memorandumu qurumun icraçı direktoru Təhminə Tağı-zadə və Almaniya Milli Antidopinq Agentliyinin İcraiyyə Şurasının sədri Lars Mortsiefer imzalayıblar.

Memorandumun məqsədi AMADA-nın Ümumdünya Antidopinq Məcəlləsinə və Beynəlxalq Standartlara uyğun fəaliyyətini təkmilləşdirmək üçün nəticələrin emalı, təhqiqat, tibb, testetmə, təhsil və digər sahələrdə Almaniya Milli Antidopinq Agentliyi ilə təcrübə mübadiləsi, birgə məsləhətləşmələrin həyata keçirilməsi və hər iki qurumun əməkdaşlarından ibarət işçi qruplarının yaradılması və sair kimi fəaliyyət istiqamətlərindən ibarətdir.

Gələcəkdə bu Anlaşma Memorandumu əsasında müxtəlif sahələri əhatə edən ikitərəfli müqavilələrin imzalanması da nəzərdə tutulur.

Oxşar xəbərlər

AMADA-nın təşkilatçılığı ilə dəyirmi masa keçirildi

AMADA UKAD-ın rəhbərlik etdiyi beynəlxalq işçi qrupuna dəvət aldı

Azərbaycan və Kuba Gimnastika Federasiyaları memorandumu imzalandı

ADBTİA AMADA ilə əməkdaşlığa başladı

AMADA yeni əməkdaşlıq memorandumu imzaladı