Rumıniyada gənc boksçular arasında “Drakula Open” beynəlxalq turnirində yarımfinal mərhələsinə yekun vurulub.

Sportfm.az xəbər verir ki, Azərbaycan millisinin daha bir idmançısı finala vəsiqə qazanıb.

Bilalhəbaşi Nəzərov (51 kq) Andrei Turbureanu (Rumıniya) ilə qarşılaşmalı olsa da, rəqib döyüşə gəlməyib. Nəzərov finalda ukraynalı Maksim Maşevski (Ukrayna) ilə qarşılaşacaq.

Abbasqulu Şadlinski (75 kq) isə bürünc medalla kifayətlənib. O, 1/4 finalda biləyindən zədələndiyi üçün Halil Sami (Bolqarıstan) ilə görüşə çıxmayıb.

Beləliklə, Azərbaycan millisinin 5 boksçusu finala vəsiqə qazanıb. 4 təmsilçimiz isə turniri bürünc medalla bitirib.

Qeyd edək ki, “Drakula Open”də final qarşılaşmaları bu gün keçiriləcək.

Oxşar xəbərlər

Boksçularımız beynəlxalq turnirdə finala yüksəldi

Boksçularımız yarımfinalda - Beynəlxalq turnir

Boksçularımız Rumıniyada beynəlxalq turnirdə iştirak edəcək

Avropa birinciliyində finala vəsiqə qazandı

İki boksçumuz finala yüksəldi